孫耀威自認同陳美詩係錯配

孫耀威（老孫）、關楚耀（Kelvin）及胡諾言（胡仔）前晚為《美女廚房》擔任嘉賓。蕭正楠（Edwin）見到老孫即笑指對方是他兒時偶像，阿Bob則叫一眾美女學徒抓緊機會向老孫和阿關「集郵」，十分搞笑！

老孫直言很久沒見過那麼多女生，感覺飄飄然，大家更笑他奉旨𥄫女，老孫笑言︰「唔可以咁講，做呢行要為藝術犧牲，平時在街上見到靚女都會叫埋太太（陳美詩）一齊𥄫，有時佢見到小鮮肉也會叫我一齊睇，我哋係資源共享。」不過他直言與太太口味很不同，他喜歡運動型女生，老婆則愛白晳長髮女生︰「真係人算不如天算，所以我哋係錯配。」

飲愛心靚湯最冧

問老孫可有吃胃藥打底？他笑言︰「我免疫力較高，事關太太都係地獄廚神，以前煎牛扒，我說五成熟，佢煎到十五成熟，燶到好似牛肉乾咁，也試過煎豬扒煎到中間仲有粉紅色，我以為係靚嘅黑毛豬，點知佢話係超市廿蚊塊貨色。」老孫笑指太太正從錯誤中學習，而且煲湯已有孫媽媽六、七成功力，朝早能飲到愛心靚湯，是一件幾冧的事。

Kelvin笑說上節目是睇靚女，若食完有事發生便當清腸胃，但亦想試試是否真的那麼難吃。難吃會直接吐出來？他笑言︰「應該會，因為我問過監製，佢哋話直接講就得。」

撰文︰Pauline

編輯︰黃卉彤

美術︰梁政敏

攝影︰林良明