湯洛雯越南之旅有艷遇

湯洛雯與楊愛瑾（Miki）昨天出席時裝設計活動，一直有「靚湯」之稱的湯洛雯，最近被指受情傷影響導致身形暴漲。至於Miki剛與老公歐遊返港，她說會探望盛傳反目的前Cookies好姊妹吳雨霏。

對於被指肥到爆衫鈕，靚湯笑言︰「本身由細到大都有肉地，不過之前同朱千雪去日本拍《三日兩夜》，之後又同莊思明、彭慧中去越南不停食，可能因為咁而肥咗啩！」經過今次被指身形發福，靚湯表示會注意一下飲食，但會以健康為主，認為女仔不一定瘦才靚。靚湯又自爆去越南旅行期間，在酒店遇到一個越南靚仔，「見到佢第一眼已一見鍾情，但通常睇上眼嘅都唔會做主動，如果佢對我有意思，都可以check番我入住登記資料嘅。」

Miki揚言準備探Kary囝囝

楊愛瑾早前和老公郭永淳去了法國南部及西班牙度假兩星期，她說囝囝已16個月大，自從他出世後，難得跟老公享受二人世界。問到可有探望剛誕下兒子的吳雨霏（Kary）？Miki帶點猶豫表示︰「等佢ready先。（送禮物？）都會，尿片、衫仔比較實用嘅嘢。」

採訪︰Pauline

攝影︰林良明

編輯：黃卉彤

美術：梁政敏