相隔19年演《再創世紀》 郭晉安︰做唔番當年味道

99年首播的百集長劇《創世紀》，多次在深夜重播時段創佳績，無綫事隔19年再開拍的續作《再創世紀》，已是全新故事，更找來在《創世紀》演「馬志強」的郭晉安任男主角。安仔笑言已做不回當年「馬志強」的感覺，但開心跟劇集一起成長。

郭晉安、周柏豪、楊怡與林文龍等一眾《再創世紀》演員，昨日在將軍澳出席宣傳活動，他們更盛裝行紅地氈，而新劇將於九月十日首播。安仔是劇中唯一由《創世紀》過渡到《再創世紀》的演員，當年在《創世紀》演「馬志強」的安仔，今次演全新角色，至於「馬志強、葉榮添、許文彪」的三劍俠組合，則落在周柏豪、袁偉豪與鄧佩儀身上，難怪安仔笑說︰「我當年個角色已經被人做咗啦！」

讚周柏豪似「葉榮添」

安仔大讚身旁的柏豪說︰「我覺得柏豪真係幾似葉榮添，睇佢哋做戲，有種年輕人嘅衝動，睇到羅嘉良嘅後生版。」他笑言期待拍《再三創世紀》︰「我好榮幸同劇集一齊經歷成長階段，但就一定做唔番馬志強嘅感覺啦。」

至於柏豪笑言當年有煲《創世紀》︰「當時十幾歲，同媽咪一齊睇，無諗過十幾年後自己唔單止有份拍，仲唱埋主題曲，感覺好神奇，亦都好proud of自己！」安仔聞言笑說︰「我好明白你心情，入行無幾耐總會有呢種諗法。」柏豪又表示羨慕安仔往捷克布拉格及加拿大拍外景，自己卻在深水埗開工，講笑說難免酸溜溜。

採訪︰Pauline

攝影︰林良明

編輯︰李潔盈

美術︰梁政敏