Eason計劃成立歌迷會

陳奕迅（Eason）推出廣東新歌《可一可再》，並將收錄在即將推出的新碟《L.O.V.E.》，昨日Eason更在fb開live與fans吹水。之後Eason受訪，回應其2019年舉行演唱會傳聞，他笑謂︰「其實呢隻碟做咗好多嘢，剪緊個documentary，其實成件事係大過出專輯。所以我有個idea，開一場唔賣飛嘅，總之我自己頂，係咪好勁？」

他又笑言出道20幾年都未有正式官方歌迷會，或考慮短期內成立。再追問是否真的不打算公開發售門票？他笑言只是宣傳手法，詳情都要問環球，但坦言有好幾年沒在香港開騷。可擔心黃牛炒飛？他說︰「我個人唔係好怕，因為我唔幫襯佢哋！」之後又認真表示︰「最好唔好有，我聽人講話『無辦法（買黃牛）』，我會諗，呢個係咪最好嘅方法，我都唔知！」他希望大家自律，亦知道五月天的fans做得好好。