黛安
黛安

香港兒童合唱團成立基金 支援基層

發佈時間: 2018/08/31

香港兒童合唱團成立基金 支援基層

黛安細細個都好鍾意唱歌,原來香港兒童合唱團唔經唔覺陪住大家近半世紀,日前舉行咗50周年啟動禮,仲宣布成立「香兒藝術發展基金」。黛安知道,基金將以3項計劃推行,包括「藝術體驗計劃」支援有音樂天份嘅基層小學生,免費參加一年「香兒」舉辦嘅合唱或舞蹈訓練!此外,仲有「學校藝術發展基金」向缺乏資源籌辦音樂或舞蹈活動嘅學校,提供最多10萬蚊資助舉辦藝術活動;而「香港兒童合唱團音樂獎學金」就為喺本港院校主修聲樂或音樂系學生而設。

「香兒」榮譽會長兼香兒藝術發展基金主席陳達文話,基金只係初起步,規模同資助範疇可能比較少,但為回饋社會同為藝術界出力嘅決心就非常堅定。

撰文: 黛安 消息特靈八卦公關
欄名: 八卦名利場