中環外賣新選擇

有時為咗諗晏晝食乜好，都會諗到頭痛。中午時分的中環到處都人頭湧湧，去邊度食嘢都要排隊等位，有時寧願買返公司食。麥記、大家樂、大快活都食過無數次，有時都想搞搞新意思。

前幾日見報紙提到鏞記75周年，取「75」的意頭，推出75元的雙拼外賣飯盒午市套餐，除了有馳名的燒鵝和燒味，更會送老火湯。唔，好抵噃！要知道在中環，就算普通茶餐廳的套餐都要50元起，鏞記有75年歷史，材料上盛，水準穩定，燒鵝出名，只要75元就食到鏞記燒鵝，真係好吸引。

昨天中午，終於走去鏞記買了燒鵝叉燒雙拼套餐。名牌果然係名牌，連飯盒的包裝都見心思︰紙製飯盒符合近年少用塑膠的環保要求，飯盒內有紙的間隔將菜與飯分開，一邊白飯，一邊是排得整整齊齊的燒鵝和叉燒。細看鵝肉油香滿滿、皮薄、皮下有薄薄的脂肪，而叉燒則是肥瘦適中，肥的部分又燒得甘香，而間隔則可以保存菜同飯的原味。

更值一提，就算係白飯，鏞記的白飯有一股特濃飯香味，配上半肥瘦叉燒和肥美多汁的燒鵝，再喝上有家感覺的老火例湯，好滿足！

（本欄逢周一刊登）