黛安
黛安

麥當勞「走塑」 逢周一無飲管

發佈時間: 2018/09/04

麥當勞「走塑」 逢周一無飲管

黛安噚日去麥當勞買嘢食嘅時候,發現大家都無拎飲管,仲有人自備環保飲管。原來麥當勞即日起實行「無飲管星期一」,以後逢星期一都唔會主動派飲管,咁環保,真係值得支持啊,黛安都會即刻響應。

平日喺快餐店食飯,大家估下要消耗幾多「膠」?近年大家都開始講要「走塑」,希望為環保出一分力。姊妹話,麥當勞一直好重視同客人一齊推動環境可持續發展,仲採取咗好多保護環境措施,回應社會對環保嘅關注。所以,即日起,全港麥當勞同McCafé會開始實行無飲管星期一,逢星期一都唔會主動向食客派飲管。

姊妹仲話,其實早喺2007年,麥當勞就率先試辦「無飲管日」活動,喺每個月嘅第2同第4個星期一,全綫分店都會將飲管收起。姊妹話,見到措施咁受食客支持同歡迎,麥當勞會研究再進一步推動同鼓勵大家減廢。

撰文: 黛安 消息特靈八卦公關
欄名: 八卦名利場