教大表揚6位亞運奪獎學生

香港運動員今次喺亞運嘅成績有目共睹，兼打破獎牌數目紀錄。教大噚日就向6名獎牌運動員兼本身係教大學生頒發嘉許狀，表揚佢哋以汗水付出所得來嘅成果，認真難得！

獲頒嘉許狀嘅包括金牌得主歐鎮銘（壁球）、郭柏雅（欖球）同石偉雄（體操）；銅牌得主周義評（賽艇）、蔡韻瑜（空手道）同李清韻（乒乓球）。而歐鎮銘仲獲得「精英運動員入讀教大學士後學位課程獎學金」，以支持佢日後喺教大修讀碩士或博士課程。

教大校長張仁良教授話，好開心一班精英運動員取得佳績，「佢哋將最大嘅精力都投放喺比賽同訓練上，但仍然好努力堅持學業」，黛安覺得呢班年輕人真係值得學習！