【聲明】港生活網站並無進行電話推廣活動

《全民造星》肥仔露腩跳勁舞爭20強 視迷︰有台型無得輸

發佈時間: 2018/09/05

ViuTV的偶像真人騷《全民造星》前晚播出第36集,眾學員正爭逐20強席位,代表B2組出戰的肥仔(梁業)以頭倒立兼玩Moonwalk騷舞技,爆炸力出晒嚟。很多粉絲預言肥仔必入最後十強;有觀眾亦讚他跳舞超charm!

《全民造星》本周開始選出20強,之後再爭最終10強赴美國洛杉磯,跟隨國際天后Lady GaGa的排舞師受訓約兩星期。前晚的亮點絕對是B2組的肥仔,擁有一身好「舞」功的他,領軍與毛記電視的「偽員」龍志權為首的A2組對陣。肥仔與隊友表演舞蹈作品《Finesse》,當中,精力充沛的肥仔solo一段,連環表演海豚彈、以頭倒立及Moonwalk,導師側田都站立拍掌,帶動全場氣氛。很多網友喜見肥仔身手靈活有睇頭;有粉絲亦指他有獨特星味,估計可以殺入最後階段。

盧凱彤撑總有出頭天

至於該集評判之一、已故歌手盧凱彤(Ellen),亦點名向肥仔勉勵︰「我同林二汶入行嘅時候,佢同你嘅磅數應該差唔多。我哋曾經喺商場唱歌,下邊有fans大嗌『豬扒』,我哋就話『多謝』,跟住繼續唱!」她由衷地說︰「我希望你真係可以入行做歌手,做明星跳舞。」可惜Ellen於上月初錄影節目後墮樓身亡,已無緣見證肥仔在娛樂圈發熱發亮。

撰文︰Steven、Pat

協力︰阿瑤

編輯︰黃寶恩

美術︰梁政敏