迪士尼Halloween Time慶典 享酒店住宿優惠 玩獨家活動

下個月就係萬聖節，香港迪士尼樂園今個月13號至下個月31號就會舉辦Halloween Time慶典，黛安聽公關姊妹講，《怪誕城之夜》主角Jack同一班怪誕好友會玩轉樂園，帶畀大家最詭魅惡玩嘅萬聖節體驗。如果喺今個月14日或之前預定樂園3間酒店，仲會有限時住宿優惠！最平低至$1,485預訂即日至下月31日嘅迪士尼探索家度假酒店標準客房，住客仲可以暢玩獨家萬聖節活動。黛安已約定好姊妹去住番晚玩到夠。

公關姊妹仲話，萬聖節期間住客可以$899訂購「萬聖節詭趣房間布置」，其中包括詭趣個人用品包、迪士尼詭趣拖鞋同掛門裝飾，仲有「獵糖狂歡大出巡」活動優先預約證（4張）、米奇南瓜手挽籃連Trick-or-Treat糖果等，令萬聖節氣氛更濃厚。