黛安
黛安

McCafé「椰汁芒果軟心兔兔」 萌爆陪你過中秋

發佈時間: 2018/09/07

McCafé「椰汁芒果軟心兔兔」 萌爆陪你過中秋

中秋就到啦,黛安都頭痛緊買咩月餅送畀親朋好友,最近就收到風,知道麥當勞下星期一起,McCafé會推出全新「椰汁芒果軟心兔兔」,單睇個造型就已經心心眼,簡直萌爆啊,啱晒過節同大家開心share!

公關姊妹話,「椰汁芒果軟心兔兔」唔單止造型可愛爆燈,入面仲有層層誘惑,外層係幼滑嘅忌廉芝士椰汁慕絲,包裹住內層香濃芒果醬,甜而不膩,加上底層鬆軟海綿蛋糕,好想食啊!另外,為方便大家送禮,仲特別推出「椰汁芒果軟心兔兔禮盒裝」,禮盒係雪白可愛嘅月兔,一盒有4件,送禮自用都得!

姊妹話,單買售價係25元,或者只要係McCafé購買指定飲品1杯,加17元就可以換購到椰汁芒果軟心兔兔1隻;而禮盒裝係78元。

不過,提醒大家,「椰汁芒果軟心兔兔」需要保持冷藏喺4℃或以下,購買之後要記得盡快同姊妹分享呀。而兩款產品嘅供應點就唔不包括合和中心嘅McCafé、機場離境大堂同機場禁區離境東大堂嘅McCafé。鍾意萌物嘅你,今個中秋快啲去買嚟試下啦!

撰文: 黛安 消息特靈八卦公關
欄名: 八卦名利場