杏花新城「全城運動折」 逾千產品低至兩折

黛安收到風，港鐵商場杏花新城會喺9月30號至10月28號，舉行「全城運動折」啊！18間運動商戶會有逾千件用品，以低至2折或者以均一價99蚊發售，咁抵一定要去掃貨啦！

此外，公關姊妹仲話，即日起至9月17號會有「一人一對經典波鞋」大募集，只要喺ig上載經典波鞋相，加#一人一對經典波鞋，再寫明關於你經典波鞋嘅經典之處，同埋Tag 3位朋友，即刻有機會入圍，頭20名仲可以將你嘅波鞋放喺杏花新城展出，每人有500蚊商場現金禮券，並由市民再喺ig以畀Like形式，喺展期內投選出一對最經典嘅波鞋，冠軍得主就可以獲得杏花新城1萬蚊嘅商場現金禮券㗎！