晴報睇住賞 送60張東京或大阪機票

日本早前受颱風及地震重擊，關西及北海道受到不同程度的破壞。不過黛安相信大阪恢復過後仍是旅遊勝地，亦需要大家前往消費，為振興當地旅遊業出一分力！聽《晴報》姊妹講，佢哋一早準備咗由即日起至9月23日，送出60張香港航空來回東京或大阪嘅機票，而且有效期至明年3月！雖然呢個時候送機票似乎不是時機，但都不失為一個身體力行撑當地經濟嘅行動！

大阪今次風災後有不少寺廟受到波及，但聽正在當地旅遊嘅姊妹講，市面不少店舖已經恢復營業，去環球影城玩機動遊戲仲偶爾見到藍天。呢幾日亦見到有漫遊服務供應商畀客人免費增加當地上網數據及通話分數服務、汽車到街頭讓人充手機電等，日本人真係好有愛！因此我哋嚟緊要繼續去當地旅遊，慷慨消費，支持佢哋！

假如贏到機票，黛安想去東京11月開幕嘅「北歐姆明Metsä Village」，暢遊姆明谷；愛熱鬧愛shopping的姊妹可以在澀谷、原宿等潮流集中地盡情購物；想買精緻手作又可以去二子玉川的蔦屋；喜愛掃藥粧嘅可到新宿、吉祥寺等地搜羅平貨；大家仲可以幫襯下當地小店，食地道嘅日式拉麵！

想贏取機票，就要立即登上《晴報》Facebook玩遊戲啦！更多活動詳情，可參考以下網址︰http://www.skypost.hk/airticketjp/。