產後首現身 鍾嘉欣坐月拍片撑《再創世紀》

郭晉安昨日與新劇《再創世紀》一班演員出席宣傳活動，日前在溫哥華誕下細仔的鍾嘉欣，昨日亦有越洋拍片支持有份客串的新劇，正在坐月的她臉尖尖，身材亦不見走樣。

郭晉安昨日與林文龍、周勵淇及袁偉豪等到荃灣為新劇造勢，有份客串的鍾嘉欣及李婉華亦拍片支持。剛在溫哥華誕下細仔Jared Anthony的嘉欣，在短片中一臉精神，臉尖尖狀態甚佳，她說︰「我其實偷偷竄出嚟，因為我坐緊月呀！感激劇組嚟溫哥華取景，畀機會我再拍劇，由我生完大女Kelly之後，已經有一、兩年無拍戲。」嘉欣又特別多謝林文龍︰「我哋12年前拍《法證先鋒》，多謝佢好有耐性，當我好緊張時，畀到我好多信心。」

久未露面的李婉華很高興再拍無綫劇：「好開心客串呢套劇，我十幾年無拍戲，今次真係過足戲癮。我哋喺溫哥華拍，大家拍完都唔捨得走。」

郭晉安變「腳震安」

安仔等一眾演員昨日在台上大玩遊戲，事後他笑言聽到有人稱呼他「腳震安」，又叫楊怡「阿姨」︰「因為佢哋係馬來西亞粉絲，要糾正佢哋啲發音，話晒都係無綫小生花旦。」對於新劇在內地播出收視平平，他說︰「做演員只能做好本份，演一場好戲，其他控制唔到。」

撰文︰倪小珊

編輯︰李潔盈

美術︰梁政敏