魏綺珊陳文剛撑傷健共融 《天虹戰隊》感動全場

黛安周日去元朗劇院睇「無障礙劇團」嘅《天虹戰隊》，撑姊妹魏綺珊（Jo）和她丈夫陳文剛的場。之前喺佢哋嘅fb睇到佢哋首場演出，簡直可用驚濤駭浪來形容。

《天虹戰隊》第一場演出，意外頻生！個戲在做到1/3的時候，個轉台轉唔到，全劇不設中場休息也無奈「中場休息」。劇院技術員趕緊搶修，後台人員全部進入緊急狀態，幸好個轉台在10分鐘後郁番！點知又發生一個意外！一位主要演員離台時失足跌倒，但佢堅持要做落去！Jo即刻請人找部輪椅來讓他坐輪椅繼續演，謝幕後，即刻叫白車送佢去醫院。一晚咁多意外，各演員及後台人員，即場爆發小宇宙，互相補位互相幫忙，謝幕時Jo在台上爆喊，導演文剛見到大家堅持同臨場應變，在謝幕時佢上到台，都喊到出唔到聲。

佢哋演出嘅《天虹戰隊》其實同真實嘅「天虹戰隊」遇到嘅困難何其相似。「天虹戰隊」故事是印尼作家Andrea Hirata童年真人真事，佢嘅老師不去名校，堅持去小島上嘅貧困村落教書。一間破爛學校、一群未上過學的年輕人，面對殺校和一連串不公義，他們仍堅持夢想。作者就是那個拿獎學金去法國，回印尼後寫下這篇小說的人。小說成最暢銷書，改編嘅電影亦橫掃國際大小獎項。「天虹戰隊」是生命影響生命嘅故事，「無障礙劇團」何嘗不是做相同工作？Jo和文剛熱愛話劇，他們搞「糊塗戲班」推動本地戲劇文化；再創立「無障礙劇團」，並得到香港賽馬會資助，透過戲劇訓練和表演達致傷健共融，難能可貴。搞一個演出幾個月，今次演出尤其艱苦，台前幕後接近200人，其中不少係沒任何舞台和演出經驗的傷健人士，有聽障、視障、精神病康復者，還有輕度智障和自閉症等，而劇情又有舞蹈唱歌，難度極高。

黛安要向兩位及所有台前幕後人員致敬。最厲害嘅係Jo和文剛沒休息，第二天又開始排《和媽媽中國漫遊》，令人佩服。