林建岳邱騰華扮《無間道》 旅發局推大城小區深水埗

都說旅發局厲害啦，舊年推出「舊城中環」，搞到有聲有色；今年再接再厲，推出同樣具有百般懷舊特色的「香港．大城小區—深水埗」。

噚日旅發局主席林建岳博士同商務及經濟發展局局長邱騰華帶隊，去參觀深水埗的老店，行程中又點少得科寶音響。黛安知道，呢間音響店本來在音響發燒友中，已經十分有地位，但電影《無間道》中劉德華和梁朝偉第一次碰面的地方正正係喺呢度，現時更成為唔少影迷朝聖之地。

深水埗以前有唔少武館，所以喺電影《一代宗師》裏面就是個武林高手臥虎藏龍之地，而原來幕後的藝術大師張叔平亦有喺深水埗取材，為電影設計出一襲襲漂亮精緻的服飾。電影《桃姐》中大部分場面都喺深水埗取景；而《變形金剛4殲滅世紀》中繁忙嘅深水埗更成為汽車機械人嘅戰場，場面震撼。