優品360°五周年 精選零食5折起

返工咁辛苦，最好嘅打氣「戰友」，梗係櫃桶嘅零食啦！優品360°嘅姊妹就報料畀黛安，原來優品360°為慶祝成立5周年，即日起至下周日（16日）都會超級勁減，最低五折就掃到各大品牌嘅零食、飲品。連個人護理用品同家庭用品都有得平！

姊妹教路，今次優惠有好多唔同嘅組合，例如「$50/3件」、「超值換購」等，必買之選當然係10款「王牌推介」，好似OL最鍾意嘅麥提莎朱古力，$30就有3盒；OT成日食嘅日版日清出前一丁，$63就有3袋。黛安就睇中咗「超值換購之選」裏面嘅SNICKERS迷你朱古力，買滿$150，就可用$23換番包；加$5仲可換埋環保袋，記得去掃貨呀。