7-Eleven夥日本團隊 推新口味咖喱飯

咖喱迷注意！香港7-Eleven團隊與日本團隊再次攜手，精心研製完美咖喱飯配方，推出全新口味嘅7-SIGNATURE日式咖喱牛肉飯，咖喱汁採用日本配方，混合唔同日式咖喱粉，溫和嘅辣味中又帶有甜味。除咗香嫩牛肉粒，咖喱亦加入大量蔬菜，好似洋蔥、馬鈴薯同胡蘿蔔，仲加咗蘋果蓉，兼配上軟軟糯糯嘅珍珠米，令口感更清爽甜美同有層次。黛安噚日試過，真係好好味呀！

7-Eleven公關姊妹話，另一款深受顧客喜愛嘅7-SIGNATURE紅咖喱雞配黃薑飯亦以全新包裝登場，由9種香料烹煮而成，味道香辣帶甜嘅泰式紅咖喱，加上嫩滑雞肉，配以傳統黃薑飯，啖啖滋味令人滿足。