袁偉豪無意效法陳展鵬閃婚

袁偉豪（Ben）、張寶兒、惠英紅、蔡思貝等，前晚出席無綫新劇《鐵探》煞科宴。陳展鵬前日突然宣布十月迎娶單文柔，Ben與寶兒稱看報道才知道，並替一對新人高興。被問到何時輪到他們，Ben坦言；「畀我搏多一、兩年先，依家以工作及照顧家人為主，其實寶兒經常喺我身邊，大家都好明白方向，有消息再話畀大家知。（仿效展鵬籌備好婚禮再宣布？）順其自然啦，我可能係好典型嘅金牛座，鍾意自己一個匿埋食早餐，不過都要睇長輩嘅意願。」

小紅姐因拍劇增磅

惠英紅（小紅姐）提到拍攝時的難忘事，她說︰「足足拍咗68日，當時天氣好熱，我多數喺山邊、天台或果欄拍外景，又要着晒套裝，無中暑已經好叻。（有無辛苦到瘦咗？）反而肥咗五磅，事關我好大汗，期間不停飲能量飲品，糖份好高，所以煞科前都開始減肥。」對於劇中對手袁偉豪為了角色需要，在短短七日內狂減20磅，小紅姐欣賞他夠拼搏和敬業。

攝影︰林良明