傳與富三代交往 單身吳千語：睇下有無誠意

與林峯分手的吳千語，被指搭上「百億富三代」施伯雄，不過千語昨日強調目前仍是單身，對任何追求者，都會先了解再考慮。至於舊愛林峯，她表示大家「再見亦是朋友」。

吳千語和薛凱琪（Fiona）昨日到銅鑼灣出席髮型屋開幕，問千語可有跟林峯保持聯絡？她說：「我哋仲係朋友，但無刻意聯絡。」她表示目前單身，提到與富三代施伯雄的緋聞時說：「依家比較少時間了解。但如果有拖拍都正常，唔會特登保持單身，一切睇緣份，最重要多啲時間相處。」

千語表示現正於香港拍戲，稍後再飛橫店拍另一部電影，豈非沒時間進一步了解追求者？她笑說：「咁要睇對方有無誠意，時間要雙方付出，之前拍拖都係咁，大家抽時間相處好重要。做呢行經常飛來飛去，試過四個月無返屋企，對方一定要明白，其實都幾難！」

Fiona時裝生意極速回本

同場的薛凱琪擁有自家時裝品牌，她透露最近開設了男裝服飾，反應相當不錯，有粉絲更表示經常買不到衫。問到生意是否已回本？她笑說︰「我同partner以為兩、三年先回本，點知一年已開始有盈利，賺幾多就不便透露啦。（已是圈中小富婆？）小富婆負擔大，大家唔知啫！」問她會否怕太叻而沒男生追求？她說：「我希望將來嘅伴侶高EQ，唔使好叻，但一定要愛我同專一，唔使賺好多錢，亦唔要靚仔，但佢一定要有自信心。」

採訪︰Pauline

編輯：李潔盈

美術：梁政敏