謝安琪誕女後第一騷︰同Juno爭歌唱

謝安琪（Kay）、麥浚龍（Juno）、音樂人王雙駿（Carl）及陳哲廬（Jerald）將於11月7日假會展舉行拉闊音樂會，昨日舉行記者會，然而Jerald仍身在加拿大未有出席，期間三人用即影即有相機互影。

今次是Kay產女後首個音樂會，問到目前籌備得如何？Kay表示︰「不斷更新緊，揀歌方面係有啲難，因為我好少純粹講感情嘅歌，我反而好想唱Juno嘅歌，依家同佢爭緊歌，至於邊首歌暫時唔可以透露。」

Juno和Kay表示，音樂會是將他們創作的故事搬上舞台，因為故事人物由17歲開始，所以會演繹多首不同年代的歌曲。三人又透露音樂會將以影像及聲音去呈現，但強調並非以音樂劇形式演出。

Juno負責做茶水部

Juno稱與Kay合作多年，早已有默契，更笑稱自己可能只是負責做茶水部，安撫忙碌的band友。問到Juno開始練歌未？他稱已練緊，不過身旁的Kay笑謂︰「佢啲歌都唔係人咁品㗎，不過就唔係咁男性化，都幾柔弱，有時又好妖艷。」Juno又稱，屆時大家會見到一個很不同的Kay。

撰文︰Pauline

攝影︰林良明

編輯：黃卉彤

美術：招潤洪