大坑光影火龍夜 多媒體藝術看舞火龍

中秋節就快到，黛安除咗留意月餅之外，仲知道本地團體文化葫蘆正籌備一年一度嘅藝術計劃「光影火龍夜」。大坑舞火龍早幾年已經被列入國家級非物質文化遺產，黛安同文化葫蘆嘅姊妹傾開，原來噚晚（13日）已舉辦開幕儀式，活動畀本地藝術家同設計師以藝術作品、多媒體手法展示大坑舞火龍嘅重要價值。

當中本地視覺藝術家曾翠薇，早前就帶領香港知專設計學院視覺傳意學系，同埋香港高等教育科技學院廣告設計系嘅同學，一齊用簡單物料左拼右砌，創作咗大坑舞火龍嘅海報畫。即日起至今個月16日、21日至25日到大坑坊眾福利會天台，大家就可以睇到呢啲精彩嘅光影火龍夜嘅展品，大家亦可以留意文化葫蘆嘅fb「Hulu Culture」公布詳情。