晴報睇住賞 送30張 大阪機票

日本大阪自早前受颱風吹襲後，陸續傳來好消息，關西國際機場已於上周五部分重啟，預計本周五將全面恢復正常運作，黛安都要向日本人的專業態度致敬！

既然日本都咁努力，身在香港嘅《晴報》姊妹當然都唔輸蝕，今個星期送出30張香港航空來回大阪嘅機票啦！實行身體力行帶大家去大阪撑旅遊業。

上周風災可謂重創大阪旅業，有報道指大阪城入館人數過去幾日大減一半，搞到當地政府都大為緊張，諗辦法維持遊客人次。

不過，黛安啱啱就有朋友由大阪旅行返港，佢話旅遊區其實店舖照常營業，嘢照食、景照賞，完全無影響咁話，只是回程返港較轉折。

有姊妹見到道頓堀街道冷清嘅相片都好感慨，話即刻就想去食平日要排長龍嘅大阪燒！其實今次《晴報》送嘅機票有效期至明年3月，時間有得遷就；而且有成30張，試問呢啲着數有幾可？姊妹們一定要參加！

秋季正值賞楓旺季，屆時可於古色古香嘅大阪城公園觀賞漫天楓葉和銀杏，或可到京都、奈良等逛古城街，與奈良鹿零距離接觸。只要關西機場恢復過後，大阪等地仍是自由行嘅好地方。

想贏取機票，齊撑大阪旅遊，就要把握最後機會立即登上《晴報》Facebook玩遊戲啦！更多活動詳情，可參考以下網址︰http://www.skypost.hk/airticketjp/。