黛安
黛安

奪最佳動畫大獎 翁祐中學揚威國際

發佈時間: 2018/09/19

奪最佳動畫大獎 翁祐中學揚威國際

香港又有中學揚威國際,勇奪最佳動畫大獎!黛安知道順德聯誼總會翁祐中學師生成為香港唯一代表,出席7至8月澳洲悉尼舉辦既第13屆國際青年媒體高峰會,高峰會有內地、美國、日本、澳洲等逾27個地區代表參與,翁祐中學憑其自製動畫作品《Missing Cultures》榮獲最佳動畫大獎。

翁祐中學老師同黛安講,奪獎動畫《Missing Cultures》係由該校中六生陳信一、曾偉超、錢錦達、中四生霍嘉榮共用咗半年多時間製作,紀錄台灣少數民族「鄒族」族人喺城市化影響下,片中主角點樣想憑一己之力重建家園,但多次失敗後,喺中國探險學會協助下,終成功達成願望。

多位獲獎學生話,故事創作靈感源自舊年6月,翁祐中學多名學生獲中國探險學會邀請,前往台灣阿里山體驗當地原住民「鄒族」生活,當中既無城市嘅高床軟枕,又無得上網,大家仲要親手整餐具,學會野外生活技能,對「鄒族」文化同生活模式有更多了解。聽完佢哋分享,仲睇咗套動畫,黛安都好佩服年紀輕輕嘅佢哋真係好有心機同創意!

撰文: 黛安 消息特靈八卦公關
欄名: 八卦名利場