茶木×小丸子 歎特色主題美食

《櫻桃小丸子》作者離世後，唔少粉絲都好唔捨得。黛安知道茶木‧台式休閒餐廳下周三（26日）起，將同櫻桃小丸子聯乘推出「茶木x小丸子探險記」，小丸子同一大班親友齊齊化身「茶木精靈」，進駐茶木旺角瓊華中心、銅鑼灣世貿中心、九龍灣MegaBox分店，每間分店都有唔同嘅探險主題，同埋提供獨家美食，好似「小丸子番茄肉燥鰻魚飯」、「小丸子探險芋圓」等。黛安都要約定好姊妹去緬懷一下啦！

茶木好友同黛安講，探險記故事主軸係喚醒中咗睡眠魔法嘅爺爺，而故事所有角色都係由茶本度身設計，好似花輪變身成蜜蜂王子、野口化為企鵝、小玉變為海蚌公主等。其中一款「小丸子櫻桃西瓜柳丁汁」，係由多種水果打成小丸子招牌嘅桃紅色，口感香甜清新，杯身更印上小丸子海洋公主設計，絕對是粉絲之選！