賀90歲生日 米奇現身時代廣場

陪伴大家成長嘅米奇老鼠90歲啦！時代廣場就同華特迪士尼檔案館合作，由今個星期五起至下個月31號舉辦「米奇90周年展覽」！

聽公關姊妹講，會展出好多珍貴嘅原創藝術品，包括1928年製作、首部係劇院放映嘅米奇電影《威利號汽船》複製故事劇本；1972年喺香港印刷嘅「原創米奇老鼠漫畫集」系列；30年代製嘅「原創米奇老鼠商品」，包括米奇老鼠Ingersoll上鏈鐘等，有成90件獨特館藏，當中約20件更加係首度公開展出，機會難逢！

另外，27座栩栩如生嘅3D立體同2D米奇，以唔同造型出現喺地面露天廣場，包括一隻3.4米高嘅黑白米奇、來自《威利號汽船》嘅米奇、《幻想曲》內嘅米奇等，各位粉絲一定要打卡留念啊！