7-Eleven 隨時跑 Run at your Pace 儲滿跑步里數去行善

超強颱風「山竹」對香港影響真係好大，經過大家合力幫忙，市面終於恢復得八八九九。聽7-Eleven好姊妹講，雖然本來嘅「7-Eleven Party Run 2018」賽事取消咗，但嚟緊嘅「隨時跑Run at your Pace」就會開放畀公眾參加。

姊妹話，原本喺9月15號舉行嘅「7-Eleven Party Run 2018」賽事，因颱風要取消。為免跑手失望而回，原本只為7-Eleven同事打造嘅「隨時跑Run at your Pace」，會開放5公里賽事畀大家參加，參加方法好簡單，只要喺10月1號至21號內，因應自己時間落街跑步又得，或喺室內用跑步機跑都得，一次過儲滿5公里跑步紀錄，再上傳到指定網頁，一經認證，成功達標者喺10月22號起，就可獲VRace 24為7-Eleven特別設計嘅隨時跑Run at your Pace完成獎牌1個。

另外，之前嘅Party Run報名費，7-Eleven會不扣除成本下，雙倍捐贈報名費畀深水埗「北河同行」。換言之，除咗參賽者嘅報名費外，7-Eleven會付出同等金額作慈善用途，支持佢哋為獨居長者同露宿者提供免費食物。