黛安
黛安

「堂前食坊」開幕 坐高鐵兼歎多國美食

發佈時間: 2018/09/21

「堂前食坊」開幕 坐高鐵兼歎多國美食

高鐵即將通車,出發前想先醫肚,黛安就推介去西九站內佔地逾1.8萬呎、樓底有成6層高嘅「堂前食坊」喇!呢個美食廣場唔單止營業時間超長,由朝早6點到午夜12點,更備有港、日、韓、中、美同東南亞美食,加上咁大地方總共有350個座位、人均用餐面積堪稱全港Food Court之最。預留咁多地方,都係想方便旅客將行李放喺身邊安心食,真係夠晒貼心。

講到「舔舔脷」之選,黛安就最推介由年屆70歲嘅「牛師傅」林深主理嘅百福麵家,佢整嘅雲吞麵夠晒地道,牛腩亦用上秘傳醬汁。不得不提嘅係牛師傅本身一早退咗休,今次重出江湖真係機會難得,唔試唔得!另外,鍾意食韓食嘅朋友,記住出發前要去「新沙」歎番餐,皆因餐廳特登請咗韓籍大廚做顧問,佢哋啲辣炒八爪魚伴豬腩肉、春川石板辣炒雞肉等,通通做得好正宗,夠晒醒胃醒神!

撰文: 黛安 消息特靈八卦公關
欄名: 八卦名利場