Sammi笑「老鼠安」唔及米奇靚仔

鄭秀文（Sammi）昨日出席米奇老鼠90周年展覽揭幕儀式，Sammi在活動上不停模仿米奇的招牌甫士，又親親米奇的鼻子，由於Sammi老公許志安花名叫「老鼠安」，故被取笑對老鼠情有獨鍾。

Sammi昨日刻意以一身黑白紅的服裝亮相活動，跟同樣「色系」的米奇襯到絕，自認有童心的Sammi，笑指被活潑的米奇撩動出更多活力，她說︰「米奇畀到人好有希望嘅感覺，令到我好想去樂園買番個公仔。」13年跟安仔結婚的Sammi，被問到可有想過在樂園補辦喜酒？她表示︰「暫時無考慮過，不過好多新娘子都鍾意米奇老鼠，相信會係一個非常美好嘅回憶。（你都鍾意『老鼠安』！）唔關事，今日請我嚟係因為我有童心，而且90周年好值得紀念。」

見證港人精神

問到米奇老鼠還是「老鼠安」比較靚仔？Sammi笑笑口表示︰「梗係米奇靚仔，佢成日周身彈，令到其他人好開心。」日前超強颱風「山竹」襲港，令到不少地方受到嚴重破壞，Sammi慶幸寓所沒有受到影響，亦感恩見證到香港人精神，她說︰「見到好多垃圾同膠樽喺海湧上嚟，唯一好事係提高咗大家嘅環保意識。」

撰文︰倪小珊

編輯︰黃卉彤

美術︰顏玉玲