黛安
黛安

官燕棧登陸天貓 主打傳統滋補輕食養生

發佈時間: 2018/09/24

官燕棧登陸天貓 主打傳統滋補輕食養生

食燕窩滋補,可以話係每個香港女士嘅常識。不過想食到「真‧燕窩」,當然要揀啱品牌。早前官燕棧正式同「天貓國際平台」簽訂戰略合作協議。聽公關姊妹講,其實早係2015年底官燕棧已喺天貓國際開咗「海外旗艦店」,將香港製造嘅原裝正貨行銷國內,按照舊年財政年度結算,係天貓國際嘅總銷售額已較前年急增4倍!

官燕棧董事總經理朱志明都話,今次簽訂戰略合作,令公司成為首個阿里巴巴集團旗下天貓國際平台重點發展嘅香港滋補品品牌,覺得好榮幸。佢仲話,香港人生活每個細節都好注重養生,好似飲凍奶茶要「少甜」,買嘢食要「低糖低卡」,希望今次合作可將傳統嘅「滋補」及新興嘅「輕食」概念結合,將香港嘅即食燕窩帶入內地同推介畀全球消費者。

撰文: 黛安 消息特靈八卦公關
欄名: 八卦名利場