黛安
黛安

香港日本旅遊年 二三綫城市成新熱點

發佈時間: 2018/09/26

香港日本旅遊年 二三綫城市成新熱點

香港人每年都會返幾次「鄉下」日本!聽公關姊妹講,旅發局同日本國家旅遊局、日本觀光廳將2019年訂為「香港日本旅遊年」,兩地仲會推出一連串宣傳推廣!

原來今年頭7個月有逾70萬人次訪港,比舊年同期增5%。早前旅發局就喺2018日本國際旅遊展上宣布一同將2019年訂為「香港日本旅遊年」。旅發局主席林建岳話,廣深港高鐵香港段同港珠澳大橋相繼開通,會喺日本加強宣傳大灣區旅遊,鼓勵日本旅客嚟香港同其他大灣區城市旅遊。

而且舊年日本同香港兩地嘅旅客交流數字首次突破300萬,當中香港人再訪日本嘅比例都相當高,近年仲有唔少港人對日本嘅二三綫城市愈來愈有興趣,所以會喺旅遊年多啲宣傳。

撰文: 黛安 消息特靈八卦公關
欄名: 八卦名利場