世界搏擊爭霸賽 高手雲集新濠影滙

黛安一直都好想去睇拳賽，今次機會嚟啦！公關姊妹話，由大衞集團首辦嘅《大衞尊武天下》世界搏擊爭霸賽，今個星期六（29日）喺澳門新濠影滙綜藝館正式開戰，雲集18位拳手一較高下。

聽講今次拳手嚟自中國、香港、澳門、巴西、俄羅斯、德國、泰國、荷蘭等地，當中最吸睛係女子60公斤級賽，今年奪得《昆侖決》木蘭傳奇金腰帶嘅中國拳手王聰，會同Enfusion世界冠軍嘅荷蘭拳手薩爾德容正式交戰。另外，喺拳壇界常收「英雄帖」嘅36歲中國拳手「方便」，綽號「死神」，連勝48場，職業戰績50戰全勝外，更曾戰勝世界排名第一嘅西蒙．馬庫斯而躍入世界前十，大家都等緊睇佢今次能否為職業戰績50戰全勝添加1勝。想睇嘅話，快啲去網上購票啦！http://davidgroup.asia。