探訪蒙古白內障患者 港青決心撲滅眼疾

黛安一向都好珍惜眼睛健康，以減少患上眼疾機會。但原來蒙古國因貧困令當地好多白內障患者無法接受治療。黛安知道，澳門網絡KOL「微辣」藝人豪Dee喺啱啱過去嘅暑假帶領咗9名香港中學生，跟隨奧比斯到訪蒙古國，一同了解當地眼疾患者面對嘅困難，其中更有港青因此放棄生物醫學課程，決心成為護士，為打擊盲疾出一分力。

豪Dee同黛安講，喺蒙古國嘅旅程中親身感受蒙眼午餐，代入失明人士角色感受生活遇到嘅困難，佢更諗起因為細菌感染而令到右眼失明嘅爸爸，佢仲話希望利用自己影響力，未來幫助更多眼疾患者。

另一位同行港青Angel就話，出發前已報生物醫學課程，仲交咗第一期學費，但行程中深深感受到眼疾帶畀人嘅傷害，所以決定改讀護士課程成為護士，撲滅眼疾。黛安希望呢班咁有理想嘅青年可以為世界帶來改變，令眼疾患者得到合適治療。