歌神張學友終於返嚟香港開騷喇！學友今日（3日）舉行演唱會記招，宣布將於明年1月於紅館舉行15場《學友．經典─香港站．再見篇》演唱會，今次的世界巡迴之旅，學友合共舉行逾220場演唱會，成功打破個人紀碌，難怪學友都好感觸：「我當然好唔捨得，曾經諗過一直做落去，但自己將近花甲之年，唔想停留喺Tour上面，所以想將香港作為結束嘅一站，雖然唔敢講完美，但希望係圓滿。」
歌神回歸，除了粉絲開心，最高興當然是黃牛黨，雖然門票明天（4日）才開始信用卡優先訂票，但神通廣大的牛牛竟然已經在賣飛平台率先賣靚飛，更標明有尾場1月29日頭五行靚飛賣，原價$980，開價$5800，足足炒貴六倍，真係人神共憤。不過好彩買飛又唔使一定幫襯牛牛嘅，粉絲除了明天可用東亞信用卡優先訂飛外，無卡嘅朋友亦可於下星期五（12日）透過公開售票途徑撲飛，祝大家好運喇！
1）網上購票，登入www.urbtix.hk
2）致電2111 5999，以信用卡電話購票
3）使用流動購票應用程式 My URBTIX 購票