李娜暢遊迪士尼 搵Duffy Cookie打卡

近日係保誠香港網球公開賽嘅賽期，有超過50個嚟自世界各地嘅好手，一連9日喺維園施展渾身解數，角逐高達75萬美金嘅獎金，雖然賽事繁忙，但難得嚟到香港，當然要把握機會暢遊一番啦！黛安聽公關姊妹講，適逢今年係第五年，賽會邀請咗傳奇球手李娜做特別嘉賓，但落場之前，李娜就先同家人去咗迪士尼玩樂一番，放鬆下心情先。

黛安都好鍾意睇網球賽事，李娜作為兩項大滿貫冠軍，次次上場都充滿幹勁、氣勢十足。不過，睇佢喺迪士尼拍攝嘅靚相，見到呢位冠軍笑容燦爛，又坐上旋轉木馬、又同樂園人物Duffy同Cookie見面「打卡」，重拾童真，認真開心。

姊妹仲透露，李娜會同藝人陳奕迅（Eason）聽晚（9日）喺維園嚟一場「星級名人賽」，各位波友記得留意捧場啦！