救世軍荃灣家品店開業 日日有優惠

開心買嘢，唔開心買嘢，相信係好多香港人嘅生活模式。不過唔想過度消費，就要學黛安咁買得精明啦。救世軍嘅姊妹最近就報料，原來荃灣區已經開咗全港第18間救世軍家品店，專賣男女裝、童裝、服飾、玩具同圖書，而且唔止二手，仲有全新貨品。每日仲會推出唔同嘅電器優惠，好似65蚊嘅多士爐、180蚊嘅多功能電熱鍋、120蚊嘅迷你空氣炸鍋、同埋65蚊嘅電髮夾等，實行逆市抗通脹。

想買得環保又稱心，記住光顧位於荃灣沙咀道298號呢間新店。姊妹仲提醒黛安，如果之前幫襯過港九區其他家品店滿200蚊，攞住張單到荃灣分店買多100蚊，即刻免費換到部購物手拉車；就咁買滿100蚊都可換到摺合式背包，滿足晒大家想「爆買」嘅慾望。