參與emoji主題跑 為長者服務籌款

西貢風景如畫，係唔少人行山跑步嘅後花園，但有無諗過可以一邊跑一邊做善事？黛安知道，今年12月西貢區社區中心將會舉辦全港首個emoji主題跑步比賽「SKDCC X emoji Run for Charity慈善跑2018」，為一班住喺西貢偏遠鄉村嘅長者籌募服務經費。

黛安聽西貢區社區中心嘅姊妹講，呢班長者住得好遠，由西貢市中心搭小巴上山，落車後仲要花成30分鐘先返到屋企，所以當區唔少長者都被迫過足不出戶嘅日子，久而久之，身體機能退化就會加劇，腦退化問題都會愈來愈嚴重！所以中心自4年前開始為佢哋提供服務，例如會派護士為長者提供量血壓、驗血糖等簡單嘅醫療同復康服務，同埋安排免費便利車接載佢哋落山做運動、寫書法、覆診等。黛安知道，中心12月16日會喺北潭涌傷健樂園舉行「SKDCC X emoji Run for Charity慈善跑2018」，為服務籌募經費，賽事仲不設最低籌款額，畀咗報名費即可參加，還會有emoji選手包！有得玩，仲幫到人，唔好錯過喇！