太太符曉薇最近剖腹生女，「恨女王」陳柏宇終於榮升爸爸，當時他已經急不及待於instagram公佈喜訊，更為囡囡開設專屬ig帳戶「abigail92518」，隨即幫囡囡狂拍寫真，又分享不同育兒趣事，不斷更新囡囡最新情況。短短十六日，ig粉絲人數已達一萬八千，堪稱近期最強星二代，不過愛女成狂的陳柏宇，種種瘋狂行徑，搞到太太符曉薇都大叫「頂唔順」。
囡囡大過天狂出新posts 太太投訴被忽略
陳柏宇由做新手爸爸那刻已經勁興奮，瘋狂在ig分享第一身湊女感受，囡囡只是打個呵欠、放聲大哭、打乞嗤、郁動手腳，對他來說都好像見到獨角獸一樣神奇，相信做爸爸的讀者、歌迷看後都不禁莞爾，而短短十多日，陳柏宇已對換片有獨特看法：「換片要做好防禦措施，槍孔唔好對住我個樣就得喇。」不過最搞笑都係陳柏宇試過突然脫去上衣，想用自己乳頭為囡囡餵奶，幸好囡囡沒有理他。
相反成為新手媽媽的符曉薇就正常得多，至少不會沉迷囡囡一舉一動，她甚至投訴這名愛女狂魔已經唔理自己，大呼「頂唔順」：「係（喺）今日開始陳生眼入面，已經被另一個女人霸佔左（咗），佢已經唔記得咗佢老婆姓乜。」而對於陳柏宇常常與囡囡臉貼臉，符曉薇顯得十分擔心，害怕細菌太多令囡囡生病。不過符曉薇亦大讚陳柏宇是一百分爸爸，每天不停為囡囡餵奶、換尿片、洗澡，全部一手包辦，讓她安心坐月休養。
囡囡名字有深度 網民：難到唔識讀
視囡囡如掌上明珠的陳柏宇，為囡囡改名都搞盡腦汁，中英文名同樣是極級難，囡囡英文名叫Abigail，希伯來文解作「她父親的喜樂」，道出有女萬事足的心底話。而中文名則叫陳羿辰（讀：魏晨），有人估計陳柏宇想囡囡如后羿般幫助他人、出人頭地，所以抽「翌」一字，加上代表日、月、星的「辰」。據《左傳·桓二年》三辰旂旗。《疏》日照晝，月照夜，星運行于天，昏明遞匝，民得取其時節，故三者皆爲辰也。中英文名一出，不少網民都很擔心將來連陳羿辰Abigail的老師，都未必讀得叫學生名字呀！