《嫁到這世界邊端2》頭炮港韓版藍色生死戀，播出後仿如超級催淚彈，女主角秋仔不幸患上腎病死裡逃生的故事，令唔少觀眾都睇到眼濕濕，但原來呢位腎病人妻之前做過《獎門人》系列導演，多得獎門人曾志偉全包昂貴醫藥費，才能重拾美好人生，對於這位大恩人與及觀眾的厚愛，秋仔於facebook撰文感謝大家支持：「好多謝大家既留言同愛的鼓勵，我現在身體很好了，很穩定，大家不用擔心。有好多朋友海量msg一下子回都回唔切，如果我漏左你無回到，請不要介意，你地既說話我都一一收到晒。多謝我的朋友/同事/老板/屋企人同埋獎門人，沒有你們的幫助，沒有今天的幸福。」
憶述患病命懸一線
秋仔在嫁到韓國之前，原來曾於TVB工作，擔任《超級無敵獎門人》導演，本身是工作狂的他，一星期做足七日，但期間突然患上急性腎衰竭，被逼停工休養，更試過一年入深切治療部三次，當志偉得悉她患病後，即介紹名醫為她診治，但每次看診不計藥費與驗血，已要一千，雖然會對秋仔造成沉重經濟負擔，但為了醫病，秋仔依然硬著頭皮去睇醫生：「睇完之後醫生竟然無收我錢，我即刻打畀志偉，佢話咁貴嘅醫生，對我喺負擔，錢個度我唔使擔心。」之後志偉足足承擔了一年的醫藥費，難怪秋仔會以再生父母形容對方。而當得悉志偉施恩勿望報之心後，不過觀眾紛紛大讚志偉人品：「其實上一代香港人都重情義嘅」、「佢一直都係善心人嚟」、「幾值得欣賞」、「咁真係對志偉改觀呢」。
低調行善被喻為娛樂圈如來佛祖
其實志偉一向善心滿瀉，多年前就成立「曾志偉慈善基金會」和「香港華人高爾夫慈善基金會」，資助內地失學兒童和貧困大學生。而每當發生天災人禍，志偉更加義不容辭，如2008年5月12日發生四川大地震，志偉便捐出1000萬元人民幣，又以基金會籌得3680萬善款救助災民。2010年發生玉樹大地震，志偉更跑到玉樹清溪慰問災民，並不顧安危主動參與救災。就連今年四月志偉慶祝生日也不忘行善，以慈善團體董事身份，呼籲朋友把賀禮變善款，希望為基層市民及獨居長者提供免費中醫門診服務。
志偉不僅熱心公益慈善，而且篤信佛教，常以佛理勸勉後輩，甚至被喻為「娛樂圈如來佛祖」。年輕時志偉年少氣盛、血氣方剛，直至四十歲與佛結緣，更曾短暫出家一星期，才明白「錢財身外物」、「萬般帶不去，唯有業隨身」的道理。如今曾志偉學佛多年，行善積德，他覺得：「身為演員行善唔使出家，本身就好似個大喇叭咁，時刻提醒其他人行善，通過自己嘅行為影響大家多做善事。」