捐款予紅十字會 助印尼地震重建

印尼蘇拉威西島中部喺上個月28號發生地震，仲引發海嘯，首府帕盧同附近地區都造成過千人死亡，災情非常嚴重，救援工作從無間斷，嚟緊亦需要資金重建家園，黛安已捐款支持，大家都一齊行動啦！

黛安聽紅十字會嘅姊妹講，今次災難造成大量民眾流離失所，因為當地道路受阻，嚴重影響咗搜救行動同災後評估工作，紅十字會救援隊伍到達現場後，發現大部分傷者都係婦女同兒童，好多人都出現創傷後遺症，無論係身體定心靈，都需要人幫忙。

國際紅十字會已經喺緊急賑災金撥款600萬支援緊急救災工作，嚟緊仲會幫助佢地重建家園，呼籲各界慷慨捐款。