千両「豊洲祭」 推真鯛限定餐目

以往去日本，點可以唔去築地市場吃魚生。但黛安知道噚日起，漁市場搬咗去豊洲，為紀念呢個歷史里程，千両特別打造「豊洲祭」限定餐目，用時令魚產真鯛炮製出各式各樣嘅美食，聽見都想食啊！

公關姊妹話，今次嘅限定餐目，以素有「魚之王樣」嘅真鯛做食材，好似有真鯛刺身薄切、真鯛沙律、清酒蒸真鯛魚鮫、真鯛壽司，全部都係由千両大廚精心炮製。原來真鯛亦都叫做赤鯛，魚身係鮮紅色。日本好多地方都有出產鯛魚，但最矜貴嘅一定係紅色嘅真鯛，更加係日本全國聞名嘅特產。真鯛最當造季節係秋季至春季，秋季脂肪開始豐美，所以被稱為「紅葉鯛」，即係依家最啱食啦；記得今日起至11月4號去千両歎下啦！

黛安之前都去咗千両舉辦嘅「築地紀念微型展」，展出9件模型，包括新址豊洲漁市場正門，同一系列築地市場不為人知嘅日常情景，非常難得。