黛安
黛安

城大夥台北故宮 辦「動物大觀園」展覽

發佈時間: 2018/10/12

城大夥台北故宮 辦「動物大觀園」展覽

黛安向來鍾意藝術,收到姊妹報料,嚟緊又有好節目喇!由城大同台北故宮博物院合作籌辦嘅「動物大觀園」!黛安知道,今次展覽將糅合古典同現代元素,利用傳統藝術同先進創意媒體技術,好似數碼互動裝置、立體光雕等各種方式演繹從古到今嘅動物,好精采㗎!

黛安知道,今次呢個「動物大觀園」包括逾40位古今中外藝術家嘅作品,同城大創意媒體學院嘅最新媒體技術共冶一爐,其中好似清代嘅《百福繁生圖》,入面嘅花瓶經放大,再立體打印成一個白色淺浮雕,配以立體光雕技術,將瓶上繪畫嘅蝙蝠投映番上淺浮雕處,令觀眾接近花瓶時,蝙蝠投映就可以環繞瓶身展翅亂舞,認真生動!

另場內仲有馬蹄蟹水族館、互動探索貓狗的斷層掃描,同黑暗中發亮嘅-Eduardo Kac熒光青兔等,展覽由今個月16日至12月30日喺城大展覽館舉行,有興趣記住留意喇!

撰文: 黛安 消息特靈八卦公關
欄名: 八卦名利場