台灣落大雨跑、返到香港風和日麗梗係要繼續跑啦！跑步彷彿已成為發哥周潤發的標記，不過對於廣大市民來說，跑步絕非重點，能夠野生捕獲發哥，再來一張開心自拍才是主菜，但大家有無發現無論是同明星好友影相，抑或同陌生途人影相，發哥都堅持親自揸機，「好客」得令人有點受寵若驚。
而相信唔少人都好想知發哥點解肯紆尊降貴，主動拎你部手機同你自拍，想知答案？好簡單，上網啦！近日網上瘋傳發哥早前到內地出席活動的片段，當被主持人問為何堅持自己拿手機自拍，發哥爆笑回應：「人家拍周潤發，不如周潤發拍得好看，因為我要死（都）死在自己手上，我不允許你拍得我難看，我自己拍，我要看最好的角度，你好看不好看，我不管。」原來發哥咁「好客」全因為貪靚，下次大家有幸遇到發哥，不妨試試同佢爭機自拍，睇吓發哥點對你？