七個人就有一個

與幾個中學同學飯聚，講起近況，各人的職業都不同，但共通點就是工作壓力大！無計，返得中環工就預咗！那個專做心理輔導的同學，就警告我們小心壓力爆煲，她說香港有情緒病的人比想像中多，大概有13％的人有精神問題，即是每七個人左右就有一個出事！

咁得人驚？她說精神病是包括了各種情緒問題，例如焦慮、抑鬱等，其實大部分精神病都有得醫，就算是較嚴重的如精神分裂，只要有適當的治療，都可以與常人無異地生活，但當然患者一定要肯去看醫生，還要聽話食藥，亦可以打針，打針的好處就是避免病人忘記食藥。以精神分裂為例，近年研發的長效針劑很有效，第二代長效針劑可以一至三個月才打一針！原來醫治精神分裂可以用針劑，真是不說不知道。

至於個人如何防壓？各人就七嘴八舌︰「得閒睇場戲囉！」「上網搵啲藉口鬧人囉！」有人忽然話︰「打麻將囉！」

嘩！不得了！不說猶自可，一提就有人起哄說預防患焦慮症，要立即開枱，一呼各人應，挽起手袋走人，還拋下一句︰「阿桃你唔打麻將，你埋單！」噢！壓力真大！

（本欄逢周一刊登）