近年P圖已經成為藝人至愛,弊在針無兩頭利,唔少藝人為咗靚靚都P到過晒火位,好似之前楊冪去西班牙影展,就因為真相同P相同時流出,搞到鬧出國際笑話,仲惹嚟網民層出不窮嘅惡搞同恥笑。
而最近網上又再發生P圖災難,講緊嘅係小龍女吳卓林,自從佢同另一半Andi遠走加拿大後,每隔一段時間都會帶畀大家驚喜,繼之前疑似半裸上陣為自家製作公司擔任model後,近日佢哋又再出招,卓林除咗錫錫Andi,獻上情深一吻,仲忽然大晒佢嘅驚人長頸,由於張相明顯P過,唔少網民都驚訝點解會P成咁,仲話卓林十足女版李光洙。
網民:「就咁睇真係好似光洙,到底佢條頸本身係咁長?定係P成咁架?」
網民:「睇嚟光洙嘅長頸鹿代言人今次有對手喇,唔講仲以為佢哋先係兩兄妹。」