鍾欣潼於去年10月宣布與「台灣醫神」賴弘國譜出姊弟戀後，最初外界一致看淡戀情，事關賴醫生桃花暢旺，又經歷過婚姻失敗，不少人都擔心阿嬌會再受愛情創傷，但兩人卻懶理外界流言蜚語，於今年初宣布閃婚，並將於12月20日補擺喜酒。
相信不少人都會好奇，點解賴弘國能夠於短短日子就向阿嬌證明自己是Mr. Right？莫非單靠酷似王陽明的帥氣外表就能奪得阿嬌芳心？梗係無咁簡單啦！最近他們組夫妻檔參與內地節目《爸媽學前班》，阿嬌就大爆另一半體貼一面，原來賴弘國知道阿嬌吃過唔少苦頭，於是發誓努力工作，希望買一間大屋令老婆住得舒適。而講到生育大計，賴弘國就指彼此都是大忙人，若將來照顧BB，總有人要放棄事業，阿嬌就直指賴生希望佢退出娛樂圈，不過此話一出，賴生竟然一臉尷尬，更堅稱無講過，兩口子隨即鬥咀一番場面搞笑，事後賴弘國解釋：「男人要有擔當，但自己賺得不多，不敢提出這個要求。」即係想阿嬌唔使咁辛苦，但又擔心自己養唔起老婆，哇！講得出咁甜嘅愛的宣言，大家明點解阿嬌要做賴太啦！