黛安
黛安

HK Express明年開直航 飛長崎來回最平$470

發佈時間: 2018/10/23

HK Express明年開直航 飛長崎來回最平$470

日本可以話係唔少港人嘅「家鄉」,一有時間總會去番轉,黛安當然都唔例外!但去得多東京、大阪呢啲熱門城市,都會想去其他地方遊覽!黛安知道,HK Express下年1月起將會開通一條由香港直飛九州長崎嘅新航綫,即日起買定機票仲有優惠啊!

講起日本,可能唔少人都會即刻諗起東京、大阪、京都等熱門城市,但其實長崎都一樣咁好玩㗎!長崎位於風景秀麗嘅九州西北部,除咗有豐富嘅歷史背景之外,仲充滿活力,無論觀光景點定獨有體驗都應有盡有,好似去稻佐山欣賞迷人夜景、遊覽著名嘅神秘廢墟之島「端島」,仲可以品嘗當地融合咗中、西同日式風味嘅「卓袱料理」等。

唔止咁,以後大家想去仲好方便,因為HK Express將會喺下年1月19日正式開通香港同長崎嘅直飛新航綫,有得晏機去晚機返,唔使捱眼瞓!即日起至11月4號期間仲有限時優惠,低至470元就買到來回機票啦,出發日期仲去到明年3月30日!咁抵買,黛安都要快啲Plan定同成班姊妹去個閨蜜遊先得!

撰文: 黛安 消息特靈八卦公關
欄名: 八卦名利場