黛安
黛安

星夢郵輪啟航兩年 喜迎第100萬個旅客

發佈時間: 2018/10/23

星夢郵輪啟航兩年 喜迎第100萬個旅客

坐郵輪旅行係黛安最鍾意嘅旅遊方式之一,船上面應有盡有,一次過滿足大人同小朋友嘅願望。最近星夢郵輪就迎來第100萬位旅客,短短2年已做到有聲有色,成績令人讚嘆!

雲頂郵輪集團旗下嘅星夢郵輪,係唯一一間全年以啟德郵輪碼頭做母港嘅國際郵輪公司,上周五就迎來第100萬名旅客,集團喺啟德郵輪碼頭舉行慶祝活動,星夢郵輪總裁戴卓爾•布朗(Thatcher Brown)、環美郵輪碼頭董事總經理班智榮(Jeff Bent)、「世界夢號」船長Captain Robert Bodin、雲頂郵輪集團市場部高級副總裁李鳳霞,同「世界夢號」酒店部總監張澍女士,都嚟到碼頭迎接星夢郵輪第100萬名旅客。

幸運兒盧女士,喺今個月14號登上「世界夢號」,一家老幼參加6日5夜嘅沖繩那霸、宮古島郵輪之旅,原來佢已經係第二次參加星夢航程,佢話小朋友好鍾意船上嘅主題活動,同露天甲板嘅水上運動,父母都參加咗上海太極等長者活動,今次仲入住The Palace皇宮套房,有埋專屬設施同歐式管家服務,非常滿意。

Thatcher就話,適逢今年係雲頂香港25周年,對星夢郵輪係一個里程碑,仲話要多得一班船員同員工嘅努力。

撰文: 黛安 消息特靈八卦公關
欄名: 八卦名利場