黛安
黛安

沙田旗艦店完成首階段優化 一田推新4大主題專區

發佈時間: 2018/10/24

沙田旗艦店完成首階段優化 一田推新4大主題專區

黛安平時最愛Shopping,嚟緊又多一個掃貨熱點喇!一田百貨位於沙田新城市廣場3期1樓全層嘅旗艦店,首階段優化工程終於竣工,即日起下午12點半就開始試業!新裝修新作風,當中除咗新打造4大全新主題專區,包括「#Beauty+」、「#Fashion+」、「#Sport+」同「#Food+」外,仲加入咗遙距點餐服務、自助收銀機等4大數碼化新設施!

聽公關姊妹講,一田今次新裝修合共斥資1.8億港元,仲帶咗唔少新意送畀大家,好似4大全新主題專區之一嘅「#Beauty+」咁,就引入咗東京最流行嘅無人彩粧體驗專區,畀大家任試任揀,揀到心水貨再直接自助付款,夠晒自主。而「#Food+」除咗帶來9間人氣新食肆,包括首度進駐香港,來自日本金澤嘅人氣居酒屋「八兆屋」、大阪炸雞店ToRisen等多間日式料理外,亦精心打造咗全港首個超市生啤專櫃同居酒屋,提供多款即燒生蠔、龍蝦同生蠔春卷等海鮮,等大家一嘗即燒、即食、即買!

此外,佢哋同時新增咗4大數碼化新設施,包括同騰訊及Food Gulu合作,引入遙距點餐服務,顧客只要開住WeChat hk,就可以喺一田沙田店內15個食店點選超過100款美食,直接畀錢再到店領取食物;另外,佢哋亦新增咗大量自助收銀機、推出手機儲分App等,優惠折扣仲浪接浪。

為咗慶祝沙田店新裝開業,全綫一田超市即日起至11月6日期間,更會以「新発見、新入季、新食感」為題,舉辦「一田食品祭秋の新着味覺」,帶來多款時令日本秋日美食,包括鹽味炸雞皮、牛蒡脆片、一系列秋日和栗同果物等,黛安都準備好去掃貨啦!

撰文: 黛安 消息特靈八卦公關
欄名: 八卦名利場