首創無人機維港表演

年度盛事「美酒佳餚巡禮」明天開幕，為期四天，適逢今年十周年，旅發局隆重其事，為達至十全十美，Perfect 10，炮製不少新意，亮點之一是邀請了本地及海外合共擁米芝蓮十粒星的名廚，炮製八道菜盛宴，連配酒，才千幾蚊一位，無怪200多個位，才開賣便售罄，香港人真識飲識食又捨得食。萬聖節將至，大會應節，特在這星期日（28號）搞萬聖節下午茶，由五星級酒店主理，早前已率先品嘗過，茶點十分精緻，配free flow香檳，正合心意。

收到最新消息，大會創意無限，首次在維港上空用100架無人飛機表演，砌出酒杯碰杯cheers、彩色「10」字樣、生日蛋糕及活動英文簡寫「W & D」等多款圖案，表演長約七分鐘，連續四晚，每晚七時開始，所以如果看到維港上空有發光物體，不要以為是UFO。為做到老少咸宜，大會又設親子區。今個周末一家大細有好去處了。

（本欄逢周一、三、五刊登）